0kvyu9

Urtarrilaren 12an kontratu publikoen bidez zerbitzuak kudeatzen dituzten AISAko erakundeen artean bilera bat egin zen, Arabako Foru Aldundiaren eta Gasteizko Udalaren lizitazioen egoera baloratzeko, bai abian zeudenak zein 2022an argitaratuko direnak. Aurreikusten ziren zailtasunak partekatu zituzten eta administrazio-finantzatzaileei proposatzeko beharrezko neurriak adostu ziren, kontratuen bidez kudeatutako zerbitzuen jasangarritasuna bermatzeko.

AISAk bilera bat egin du Patxi Antón GOFEko zuzendariarekin eta Arrate Cortijo BFAko kontratazio eta erregimen juridikoaren arloko zuzendariorde teknikoarekin, III. AESHaren negoziazioaren testuinguruan. Bileran negoziazioan aurrera egiteko zailtasunak azaldu dira, eta planTEamendu ekonomiko bat adostu da: horri esker, proposamen ekonomiko bat bidali ahal izan da, eta horrek Mahaia berraktibatzea ekarri du.

Joan den 2021eko irailaren 23an III. AESHaren Negoziazio Mahaia sindikatuaren eskaerari jarraikiz bertan behera utzi ondoren, AISAk, administrazio finantzatzaileekin beharrezko kontsultak egin ondoren, aurreakordio-proposamen bat planteatu zuen arlo ekonomikoan, eta horrekin Mahaia berraktibatzea lortu zen.

Sindikatuak proposamena ari dira baloratzen, eta honako hauek hartzen ditu barne: Hitzarmenaren indarraldia urtebetez luzatzea (2021-2024), ordainsariak % 6,9 handitzea (hitzarmenaren indarraldian KPI metatua bermatuta) eta guztira 24 ordutan murriztea urteko gehieneko lanaldia.

Mahaia berraktibatzeko proposamena

Administrazio finantzatzaileekin hainbat bilera egin ondoren, joan den urriaren 27an AISAko erakundeek jarrera ekonomikoa hartzea erabaki zuten. Honen bidez, Arabako Lan Harremanen Kontseiluari eta alderdi sozialari negoziazio-mahaia berriro aktibatzeko eskatu zaie. Mahai hou geldirik zegoen irailaren 23tik, sindikatuek hala eskatuta.

Irailaren 23an ekin zitzaion berriro ere jarduerari Arabako Esku Hartze Sozialaren III. Hitzarmenaren negoziazio-mahaian, abuztuko etenaren ostean, eta AISAk AFArekin eta Vitoria-Gasteizko Udalarekin egindako bileren emaitzak azaldu zituen, III. AESHaren soldata-igoerekin lotutako aurrekontu-aurreikuspenen harira.

Sindikatuek AISAk egindako lana baloratu dute, baina uste dute administrazioen konpromiso-faltak mahaia blokeatu duela; beraz, proposatu dute hura etetea, eta bi aldeek konpromisoa hartzea berriro aktibatzeko berrikuntzak dauden unean.

Negoziazio-mahaiaren bederatzigarren bilera egin aurretik, irailaren 22an, AISAko kideok Jon Armentia Vitoria-Gasteizko Udaleko Gizarte Politiken, Adinekoen eta Haurren Saileko zinegotziarekin eta Boni Cantero zuzendari berriarekin bildu ginen, Emilio Sola Gizarte Politiken diputatuarekin egin genuen moduan, negoziazioaren egoera partekatzeko eta proposamen ekonomikoak Udalaren aurrekontu-aurreikuspenekin alderatzeko, zeinak oraindik ez baitiren zehaztu.

Uztailaren 20an (asteartea) III. AEHSHaren Negoziazio Mahaiko zortzigarren bileran parte hartu genuen, eta bi alderdiek kontzeptu ekonomikoei buruzko proposamenak baloratu zituzten.

AISAk sindikatuei eskatu zien datuetan eta antzeko funtzio- eta lurralde-eremuetako hitzarmenetan oinarritzen zen justifikazioa egiteko. Halaber, proposatutako hobekuntza sozialak lehenestea eta ekonomikoki kuantifikatzea nahi zuen, iraileko hurrengo bilerari begira.

AISA Emilio Sola Gizarte Ekintzako foru-diputatuarekin bildu ondoren, Kontratazio eta Araubide Juridikorako Arloak, diputatuak hala aginduta, Udalarekin eta beste bi lurralde historikoetako Aldundiekin ikerketan dihardu, desindexazioari buruzko 2/2015 Legearen barruan malgutze-formulak ezagutzeko.

AISAren aldetik arloko zuzendariordearekin gabiltza solasean, eta espero da emaitzak irailerako egotea.

Joan den ekainaren 8an aurreratu genuen moduan, AISAk bilera bat egin zuen Emilio Sola, gizarte-politiken diputatuarekin, Ana Belén Otero Gizarte Zerbitzuen zuzendariarekin, Patxi Antón Idroquilis GOFEren zuzendariarekin eta Arrate Cortijo kontratazio eta erregimen juridikoaren zuzendariorde teknikoarekin. Bileran III. Hitzarmenaren negoziazioaren egoeraren berri eman zitzaien, eta AISAk proposatutako Hitzarmenaren eduki ekonomikoak planteatu ziren.

Foru Aldundiak azaldutako planteamenduak aztertzeko eta beste bilera batean horiek AISArekin kontrastatzeko konpromisoa hartu du.

Datorren ekainaren 8an egingo da AISAren eta Emilio Sola Gizarte Ekintzako foru-diputatuaren arteko bilera. Bilera horretan, Arabako Esku-hartze Sozialeko III. Hitzarmenaren negoziazio kolektiboaren egoera aztertuko dute elkarrekin, eta bere sailarekin zerikusia duten eta erakunde bazkideei eragiten dieten gaien berri emango dute.