Irailaren 23an ekin zitzaion berriro ere jarduerari Arabako Esku Hartze Sozialaren III. Hitzarmenaren negoziazio-mahaian, abuztuko etenaren ostean, eta AISAk AFArekin eta Vitoria-Gasteizko Udalarekin egindako bileren emaitzak azaldu zituen, III. AESHaren soldata-igoerekin lotutako aurrekontu-aurreikuspenen harira.
Sindikatuek AISAk egindako lana baloratu dute, baina uste dute administrazioen konpromiso-faltak mahaia blokeatu duela; beraz, proposatu dute hura etetea, eta bi aldeek konpromisoa hartzea berriro aktibatzeko berrikuntzak dauden unean.